|
មជ្ឈមណ្ឌលសិទ្ធិមនុស្សកម្ពុជាត្រូវបានបង្កើតឡើងនៅក្នុងឆ្នាំ២០០២ ដោយលោក កឹម សុខា សមាជិកសភាជាតិ(១៩៩៣«១៩៩៨) និងជាព្រឹទ្ធសភា(១៩៩៩«២០០២) និងជាសមាជិកសភាជាតិ ថ្មីៗនេះ(២០០៨«)ហើយក៏ជាមេដឹកនាំគណបក្សសិទ្ធិមនុស្សផងដែរ។ មជ្ឈមណ្ឌលសិទ្ធិមនុស្សកម្ពុជា ត្រូវបានចុះឈ្មោះជាផ្លូវការនៅក្រសួងមហាផ្ទៃនាខែ តុលាឆ្នាំ២០០២ ហើយប្រកាសជាផ្លូវការនៅថ្ងៃទី១២ ខែវិច្ឆិកាឆ្នាំ២០០២ ដើម្បីលើកស្ទួយ និងការពារលទ្ធិប្រជាធិបតេយ្យ និងសិទ្ធិមនុស្សនៅក្នុងព្រះរាជាណាចក្រកម្ពុជា។ អង្គការនេះដឹកនាំដោយគណៈកម្មាការនាយកដែលមាននិន្នាការ គោរពនូវសិទ្ធិមនុស្សក្នុងព្រះរាជាណាចក្រកម្ពុជា។
ក្នុងអំឡុងពេលអង្គការនេះគ្រប់គ្រងដោយលោក កឹម សុខា មជ្ឈមណ្ឌសិទ្ធិមនុស្សកម្ពុជាមានកិត្យានុភាពល្បីខ្ទរខ្ទារតាមរយៈការរៀបចំវេទិកាសាធារណៈទូទាំងប្រទេសជាទៀងទាត់។វាជាផ្នែកមួយដែលសំខាន់ក្នុងគំរោង ពង្រឹងអំណាចសហគមន៍។ នៅក្នុងធ្នូឆ្នាំ២០០៦ លោក កឹម សុខា និងមេដឹកនាំសិទ្ធិមនុស្សមួយចំនួនទៀតត្រូវបាន ចាប់ខ្លួន ហើយដាក់ក្នុងពន្ធធនាគារពីបទបរិហារកេរ្តិ៍រដ្ឋាភិបាលកម្ពុជា។ អ្នកទាំងនោះត្រូវបានដោះលែងបន្ទាប់ពីមានយុទ្ធនាការមួយដែលដឹកនាំដោយលោក អ៊ូ វីរៈ ប្រធានមជ្ឈមណ្ឌលសិទ្ធិមនុស្សកម្ពុជាបច្ចុប្បន្ន។ លោក កឹម សុខា បានធ្វើជាប្រធានមជ្ឈមណ្ឌលរហូតដល់ខែមិនា ឆ្នាំ២០០៧ ជាពេលដែលគាត់លាលែងពីតំណែងនេះ ដើម្បីបងើ្កតគណបក្សសិទ្ធិមនុស្ស។
ចាប់តាំងពីខែមេសាឆ្នាំ២០០៧ មជ្ឈមណ្ឌលសិទ្ធិមនុស្សកម្ពុជាត្រូវបានដឹកនាំដោយ លោក អ៊ូ វីរៈ។ លោក អ៊ូ វីរៈ គឺជាស្ថាបនិកនៃសម្ព័ន្ធភាពដើម្បីសេរីភាពបញ្ចេញមតិនៅកម្ពុជា ហើយនៅឆ្នាំ២០០៧ គាត់ទទួលបាននូវរង្វាន់សិទ្ធិមនុស្សរីបុក សំរាប់យុទ្ធនាការរបស់លោកក្នុងការធានាអោយមានការដោះលែងលោក កឹម សុខា និងការទំលាក់ទោសជាប់គុកពីបទបរិហាកេរ្តិ៍នៅក្នុងប្រទេសកម្ពុជា។
|