CCHR | Cambodian Center for Human Rights

លោកបណ្ឌិត អ៊ារ សុផល គឺជាជំនួយការសាស្រ្តាចារ្យនៅសកលវិទ្យាល័យជើងទឹកសហរដ្ឋ អាមេរិចនៃក្រសួងកិច្ចកិច្ចការសន្តិសុខជាតិ។ លោកបានទទួលមុខតំណែងនេះចាប់តាំងពីឆ្នាំ ២០០៧។ នៅខែតុលា ឆ្នាំ២០១០ លោកត្រូវបានកម្មវិធី Fullbright ផ្តល់នូវការតែងតាំងជាអ្នក ជំនាញជាន់ខ្ពស់នៅក្នុងវិទ្យាសាស្រ្តនយោបាយ។ លោក សុផល មានបទពិសោធន៍មួយ ទសវត្សលើការងារជាមួយធនាគារពិភពលោក ធនាគារអភិវឌ្ឍន៍អាស៊ី កម្មវិធីអភិវឌ្ឍន៍អង្គការ សហប្រជាជាតិ នៅប្រទេសដែលងើបពីសង្រ្គាម និងមានជំនាញលើកិច្ចការនៅអាស៊ី អាគ្នេយ៍។ លោកសុផលបានទទួលសញ្ញាបត្របណ្ឌិតផ្នែកវិទ្យាសាស្រ្តនយោបាយពី សកលវិទ្យាល័យកាលីហ្វរញ៉ា បេកខើលី នៅឆ្នាំ២០០៦ ។ លោកមានសញ្ញាបត្រអនុបណ្ឌិត ចំនួន៣គឺ អនុបណ្ឌិតផ្នែកវិទ្យាសាស្រ្តសេដ្ឋកិច្ចកសិកម្ម និងធនធាន អនុបណ្ឌិតផ្នែក វិទ្យាសាស្រ្តនយោបាយ មកពីសកលវិទ្យាល័យកាលីហ្វរញ៉ា បេកខើលី និងអនុបណ្ឌិតផ្នែក កិច្ចការសាធារណៈនៅក្នុងសេដ្ឋកិច្ច និងគោលនយោបាយសាធារណៈ ពីសកលវិទ្យាល័យ ព្រីនស្តុន។ លោកបានចាកចេញពីកម្ពុជា និងរបបខ្មែរក្រហមជាមួយនឹងគ្រួសាររបស់លោក កាលពីកុមារភាព នឹងបានទៅដល់សហរដ្ឋអាមេរិចក្នុងឋានៈជាជនភៀសខ្លួននៅពេល មានអាយុ១០ឆ្នាំ ។ នេះជាបទពិសោធន៍មួយដែលលោកបានចែករំលែកក្នុងកម្មវិធី TEDTalk នៅក្នុងសន្និសិទ្ធិស្តីពីបច្ចេកវិទ្យា ការកំសាន្ត និងការច្នៃប្រឌិតលើកទី២៥។ ក្នុងនាមជាអ្នក ប្រឹក្សាយោបល់ម្នាក់សម្រាប់មជ្ឈមណ្ឌលសិទិ្ធមនុស្សកម្ពុជា លោកបានចែករំលែកទស្សនៈ និងគំនិតយោបល់ផ្ទាល់ខ្លួនរបស់លោកជាមួយនឹងគណកម្មការគ្រប់គ្រង និងបុគ្គលិកនៃ មជ្ឈមណ្ឌលសិទិ្ធមនុស្ស។ ទស្សនៈរបស់លោកនៅក្នុងតួនាទីនេះមិនបានឆ្លុះបញ្ជាំងពីទស្សនៈ នៃនាយកដ្ឋានកងទ័ពជើងទឹក នៃក្រសួងការពារជាតិសហរដ្ឋអាមេរិច ឬរដ្ឋាភិបាលសហរដ្ឋ អាមេរិចឡើយ។