CCHR | Cambodian Center for Human Rights

រចនាសម្ព័ន្ធគេហទំព័រ

ទំព័រដើម

អំពីមជ្ឈមណ្ឌល

ការងាររបស់យើង

ការផ្សព្វផ្សាយព័ត៌មាន

ចូលរួមជាមួយយើង

ធ្វើការជាមួយយើង

ទំនាក់ទំនង

About Us

អំពីមជ្ឈមណ្ឌល

មា្ចស់ជំនួយ និង សម្ព័ន្ធមិត្រ

ស្ថាប័នពាក់ព័ន្ធ និងកិច្ចសហការ

ក្រុមការងារមជ្ឈមណ្ឌលសិទ្ធិមនុស្សកម្ពុជា

	ក្រុមប្រឹក្សាភិបាល
	គណៈកម្មាធិការគ្រប់គ្រង
	បុគ្គលិក
	ទីប្រឹក្សា
	ក្រុមប្រឹក្សាផ្តល់យោបល់
	បុគ្គលិកស្ម័គ្រ
	ចំណាប់អារម្មណ៍

ពានរង្វាន់ និង ការតែងតាំង

ហិរញ្ញវត្ថុ

ចុះឈ្មោះទទួលព័ត៌មានថ្មីៗ ពីម.ស.ម.ក

គណៈកម្មាធិការគ្រប់គ្រង

លោក អ៊ូ វីរៈ

ប្រធានមជ្ឈមណ្ឌលសិទ្ធិមនុស្សកម្ពុជា

លោក អ៊ូ វីរៈគឺជាប្រធានមជ្ឈមណ្ឌលសិទិ្ធមនុស្សកម្ពុជា។ លោកជាស្ថាបនិកសម្ព័ន្ធភាពដើម្បីសេរីភាពបញ្ចេញមតិនៅកម្ពុជា ហៅកាត់ថាអាហ្វិក (AFEC) និងជាអ្នកទទួលបានពានវង្វាន់សិទិ្ធមនុស្សរីប៊ុក ឆ្នាំ២០០៧។ លោក អ៊ូ វីរៈ បញ្ចប់ការសិក្សាផ្នែកសេដ្ឋកិច្ចពីសកលវិទ្យាល័យ កាលីហ្វរញ៉ា ស្តេត និងធ្លាប់ជាប្រធានសមាគម និស្សិតជាតិកម្ពុជា។ លោកមានបទពិសោធន៍ការងារក្នុងផ្នែកច្បាប់ និងសុខុមាលភាពសាធារណៈ ហើយបន្ទាប់មក បានត្រលប់មកកម្ពុជា និងបានបង្រៀនផ្នែកសេដ្ឋកិច្ចនៅសាកលវិទ្យាល័យបញ្ញាសាស្រ្តនៅភ្នំពេញ។ លោកបានចូលធ្វើការជាមួយមជ្ឈមណ្ឌលសិទិ្ធមនុស្សកម្ពុជាជានាយកផ្នែកស៊ូមតិ និងទំនាក់ទំនង សាធារណៈនៅឆ្នាំ២០០៥ និងបានក្លាយជាប្រធាននៅឆ្នាំ២០០៧។

លោកស្រី ខាន់ កាលីណា

នាយកផ្នែកហិរញ្ញវត្ថុ និងរដ្ឋបាល

លោកស្រី ខាន់ កាលីណា គឺជានាយកផ្នែកហិរញ្ញវត្ថុ និងរដ្ឋបាល។ លោកស្រីទទួលបន្ទុកត្រួតពិនិត្យ និងវាយតម្លៃហិរញ្ញវត្ថុ គណនេយ្យ និងកិច្ចការរដ្ឋបាល។ លោកស្រី គ្រប់គ្រងរាល់ប្រតិបត្តិការហិរញ្ញវត្ថុជាមួយម្ចាស់ជំនួយ ដូចជាការរៀបចំ អនុវត្ត និងត្រួតពិនិត្យលើថវិកាប្រចាំឆ្នាំ គណនី របាយការណ៌ហិរញ្ញវត្ថុផ្ទៃក្នុង និងហិរញ្ញវត្ថុរបស់ម្ចាស់ជំនួយ និងការទំនាក់ទំនងផ្ទៃក្នុង និងក្រៅជាមួយម្ចាស់ជំនួយ។ លោកស្រី កាលីណា ត្រូវធានាថាសកម្មភាពរបស់ ម.ស.ម.ក ស្របតាមលក្ខខណ្ឌផ្លូវច្បាប់ខាងផ្នែកហិរញ្ញវត្ថុ ។

លោកស្រី ខាន់ កាលីណា បានបញ្ចប់ថ្នាក់បរិញ្ញាបត្រផ្នែកបច្ចេកទេសគីមី នៅវិទ្យាស្ថានបច្ចេកទេសជាន់ខ្ពស់មិត្តភាពកម្ពុជាសូវៀត ដែលសព្វថ្ងៃជាវិទ្យាស្ថានបច្ចេកវិទ្យាកម្ពុជា និងបានសិក្សាវគ្គជំនាញខ្លីៗផ្នែកគណនេយ្យ នៅវិទ្យាស្ថានវ៉ាន់ដា។ លោកស្រីធ្លាប់ធ្វើការជាគណនេយ្យករនៅក្រុមហ៊ុនឯកជន និងមានបទពិសោធន៍ការងារជាច្រើនជាមួយអង្គការនានា ដែលរួមមាន គណៈកម្មាធិការសម្របសម្រួលសិទិ្ធមនុស្សកម្ពុជា ជាមន្ត្រីហិរញ្ញវត្ថុ អង្គការសិទិ្ធមនុស្សវីជីលែន ជាបុគ្គលិកជំនាញសំរាប់គំម្រោងសិទិ្ធកុមារ អង្គការកម្មវិធីជួយកុមារអនាថា និង អភិវឌ្ឍន៍ ជាអ្នកសំរបសំរួលផ្នែកហិរញ្ញវត្ថុ និងរដ្ឋបាល និងអង្គការកុមារគ្រប់ៗរូបនៃកម្ពុជា ជាអ្នកគ្រប់គ្រង ផ្នែក ហិរញ្ញវត្ថុ និងរដ្ឋបាល។ លោកស្រីបានចូលបម្រើការនៅមជ្ឈមណ្ឌលសិទិ្ធមនុស្សកម្ពុជានៅខែ វិចិ្ឆកា ឆ្នាំ២០០៧។

កញ្ញា ចក់ សុភាព

នាយកកម្មវិធី

កញ្ញា ចក់ សុភាព គឺជានាយកកម្មវិធីនៅមជ្ឈមណ្ឌលសិទិ្ធមនុស្សកម្ពុជា (ម.ស.ម.ក) ។ កញ្ញាសុភាពបញ្ចប់ការសិក្សាថ្នាក់បរិញ្ញាបត្រចំនួនពីរគឺផ្នែកទំនាក់ទំនង អន្តរជាតិ និងផ្នែកសេដ្ឋកិច្ច និងបញ្ចប់ថ្នាក់អនុបណ្ឌិតផ្នែកសន្តិភាពអន្តរជាតិ⁣⁣ពីសកលវិទ្យាល័យអន្តរជាតិនៃប្រទេសជប៉ុន។ កញ្ញាសុភាពជាស្ថានិកបណ្តាញយុវជន ដើម្បីការផ្លាស់ប្តូរដែលប្រមូលផ្តុំសកម្មជនយុវជននៅទូទាំងប្រទេសដើម្បីជម្រុញការចូលរួមរបស់ពលរដ្ឋច្រើនថែមទៀត។ កញ្ញាសុភាពក៏ជាអ្នកនិពន្ធសម្រាប់ សារព័ត៌មានសម្លេងសកលតាមប្រព័ន្ធអ៊ីនធឺណេត⁣⁣⁣ (Global Voices Online) និង សារព័ត៌មានការប្រឈមអនាគត⁣ (Future Challenges) ។ សុភាព បានចូលរួមធ្វើការជាមួយ ម.ស.ម.ក តាំងពីចុងឆ្នាំ ២០០៥ ក្នុងនាទី⁣ជាជំនួយការតស៊ូមតិ⁣⁣⁣ដែលក្រោយមកត្រូវបានតែងតាំងជា⁣មន្រ្តីតស៊ូមតិ ។ ⁣⁣សុភាព បានលាលែងពីម.ស.ម.ក⁣នាឆ្នាំ២០០៨⁣⁣ដើម្បីទៅបន្តការសិក្សានៅប្រទេសជប៉ុន⁣⁣⁣ហើយបានត្រឡប់មកចូលបម្រើការងារជាមួយ⁣ម.ស.ម.កវិញ⁣នាពាក់កណ្តាលឆ្នាំ⁣២០១០⁣ក្នុងនាទី⁣⁣ជា⁣ជំនួយការប្រតិបត្តិ⁣⁣⁣⁣⁣⁣ហើយបានក្លាយជា នាយកកម្មវិធីនាដើមខែ តុលាឆ្នាំ ២០១១នេះ⁣។