|
កម្មវិធីអ្នកហាត់ការរបស់និស្សិតខ្មែរ មានគោលបំណងផ្តល់ជូននិស្សិតខ្មែរអាចប្រឡូកក្នុងសង្គមការងារជាលើកដំបូង ជាមួយនឹងឱកាសទទួលបាននូវបទពិសោធន៏ការងារដ៏មានតម្លៃជាមួយអង្គការមិនមែនរដ្ឋាភិបាល។
មជ្ឈមណ្ឌលធ្វើការជ្រើសរើសអ្នកហាត់ការដើម្បីធ្វើការជាមួយនឹងគម្រោងជាក់លាក់ណាមួយរបស់មជ្ឈមណ្ឌល។ កន្លងមកអ្នកហាត់ការ ធ្លាប់បានធ្វើការជាមួយនឹង គម្រោងឃ្លាំមើលសវនាការ គម្រោងគេហទព័រអំពីសិទ្ធិមនុស្សកម្ពុជា(សិទ្ធិ) គម្រោងបណ្តុះបណ្តាល និងសវនាការសហគមន៏ គម្រោងបណ្តាញសិទ្ធិមនុស្ស និងនិន្នាការភេទនិងអត្តសញ្ញាណយេនឌ័រ។ មជ្ឈមណ្ឌលក៏ជ្រើសរើសផងដែរនូវអ្នកហាត់ការដើម្បីផ្តល់ជំនួយផ្នែករដ្ឋបាល និងធ្វើការនៅក្នុងបណ្ណាល័យសិទ្ធិមនុស្សរបស់មជ្ឈមណ្ឌល។
ព័ត៌មានទូទៅ៖
បេក្ខជនត្រូវ៖
- ស្រលាញ់ និងមានចំណាប់អារម្មណ៏ចំពោះសិទ្ធិមនុស្ស។
- ទើបបញ្ចប់ ឫកំពុងសិក្សាឆ្នាំទី៤នៃកំរិតបរិញ្ញាប័ត្រ។
- មានបំណងខិតខំរៀនសូត្រ និងធ្វើការសហប្រតិបត្តិការជាមួយគម្រោងផ្សេងៗ
- មានជំនាញខ្ពស់ក្នុងការទំនាក់ទំនង ទាំងការសរសេរនិងនិយាយផ្ទាល់មាត់
- ជំនាញក្នុងការប្រើប្រាស់កុំព្យូទ៍រ ដូចជា៖ Microsoft Office, Email និង Internet
- ចេះភាសារអង់គ្លេសរឹតតែប្រសើរ
អ្នកហាត់ការ ទាំងអស់នឹងធ្វើការនៅការិយាល័យដែលមានទីស្នាក់ការនៅរាជធានីភ្នំពេញ ហើយមជ្ឈមណ្ឌលស្វែងរកបេក្ខជនដែលអាចមានលទ្ធភាពធ្វើការពេញម៉ោងសម្រាប់រយៈពេលយ៉ាងតិច ៣ខែ។
មជ្ឈមណ្ឌលផ្តល់ឲ្យអ្នកហាត់ការកម្ពុជានូវប្រាក់ឧបត្ថមបន្តិចបន្ទួចរៀងរាល់ខែសម្រាប់បំពេញការងារ។
វិធីដាក់ពាក្យស្នើសុំ
មជ្ឈមណ្ឌលនិងទទួលពាក្យស្នើសុំជាអ្នកហាត់ការសម្រាប់តែតំណែងជាក់លាក់ប៉ុណ្ណោះ។ ដូច្នេះមជ្ឈមណ្ឌល នឹងមិនពិនិត្យចំពោះរាល់ការស្វែងរកព័ត៌មាន ឫ រាល់ប្រវត្តិរូប ដែលដាក់ដោយផ្ទាល់មកមជ្ឈមណ្ឌលដោយមិនមានការប្រកាសផ្សាយនោះឡើយ។
ចំនួនបេក្ខភាពសម្រាប់អ្នកហាត់ការនៅមជ្ឈមណ្ឌលមានកំណត់ ដែលមិនអាចផ្តល់ឲ្យអ្នកដាក់ពាក្យគ្រប់ៗរូបបាន។ ដូច្នេះដំណើការនៃការជ្រើសរើសត្រូវធ្វើឡើងតាមរយៈការប្រកួតប្រជែង។ មជ្ឈមណ្ឌលទាមទារឲ្យអ្នករាល់គ្នាបំពេញនូវពាក្យស្នើសុំភ្ជាប់នឹងការផ្សព្វផ្សាយការងារដែលពាក់ព័ន្ធ ផ្តល់នូវព័ត៌មានយោង និងករណីខ្លះអាចនឹងមានការប្រលងសរសេរ។
ម.ស.ម.ក ផ្តល់ឱកាសការងារស្មើគ្នា និងលើកទឹកចិត្តដល់បេក្ខភាពនៃសិស្សានុសិស្សដែលមកពីគ្រប់ជំនាញ។
|
ចុះឈ្មោះទទួលព័ត៌មានថ្មីៗ ពីម.ស.ម.ក
