|
|
|
|
យុទ្ធសាស្រ្ត |
|
|
|
 |
|
មជ្ឈមណ្ឌលប្រើប្រាស់យុទ្ធសាស្ត្រពីរក្នុងការលើកកម្ពស់និងការពារសិទ្ធិមនុស្សនិងលទ្ធិប្រជាធិបតេយ្យនៅកម្ពុជាគឺផ្តល់អំណាច និងគោលនយោបាយ។ យើងធ្វើការផ្តល់អំណាចដល់សង្គមស៊ីវិលដើម្បីទទួលបានសិទ្ធិ និងដឹកនាំការផ្លាស់ប្តូរ។ តាមរយៈការស្រាវជ្រាវ និងការវិភាគយ៉ាងលម្អិតយើងបង្កើតនូវគោលនយោបាយថ្មីៗ និងធ្វើការតស៊ូមតិអោយមានការអនុវត្ត។ផ្តល់អំណាចយើងធ្វើការផ្តល់អំណាចដល់សង្គមស៊ីវិលដើម្បីទទួលបានសិទ្ធិ និងដឹកនាំការផ្លាស់ប្តូរ។ យើងមិនមានបំណងដឹកនាំ ឬតំណាងឱ្យប្រជាពលរដ្ឋទេ។សហគមន៍យើងផ្តល់នូវការបណ្តុះបណ្តាលនៅសហគមន៍តាមបែបចូលរួមទៅដល់សហគមន៍ដែលងាយរងគ្រោះថ្នាក់ពីបញ្ហាសិទ្ធិមនុស្ស និងជំនាញតស៊ូមតិដើម្បីទទួលបានសិទ្ធិរបស់ពួកគេ។ យើងរៀបចំសវការតាមសហគមន៍ ដែលជាយន្តការដោះស្រាយជម្លោះតាមករណីជាក់ស្តែង និងនាំអោយអ្នករងការប៉ះពាល់ពីការរំលោភបំពានសិទ្ធិមនុស្សបានជួបជាមួយអ្នកតំណាងរដ្ឋាភិបាលតំណាងរាស្ត្រ និងអ្នកពាក់ព័ន្ធផ្សេងទៀតក្នុងការដោះស្រាយបញ្ហាតាមមូលដ្ឋាន។ យើងរៀបចំវេទិកាសាធារណៈដល់សហគមន៍ដើម្បីពិភាក្សាពីបញ្ហា និងកង្វល់ពីសិទ្ធិមនុស្សជាមួយអ្នកពាក់ព័ន្ធជាច្រើន ដើម្បីជម្រុញឱ្យមានសង្គមកាន់តែបើកជំហថែមទៀតដែលការពិភាក្សាដេញដោលត្រូវបានទទួលយក និងបានការលើកទឹកចិត្ត។ យើងផ្សព្វផ្សាយកម្មវិធីសវនាការ និងវេទិកាតាមវិទ្យុដើម្បីចែករំលែកបទពិសោធន៍ និងគំនិតរបស់សហគមន៍ជាមួយប្រជាពលរដ្ឋកម្ពុជាឱ្យបានកាន់តែច្រើន ហើយយើងក៏បានផ្សព្វផ្សាយវីដេអូពីព្រឹត្តិការណ៍នានា តាមប្រព័ន្ធ YouTube ផងដែរ។អង្គការសង្គមស៊ីវិលយើងនឹងសម្របសម្រួលបណ្តាញសិទ្ធិមនុស្សដើម្បីបង្កើតឱ្យមានសម្ព័ន្ធភាពតាមបែបធម្មជាតិមួយ និងការផ្ទេរជំនាញ ចំណេះដឹង និងធនធានក្នុងចំណោមអ្នកដែលធ្វើការដើម្បីលើកម្ពស់ និងការពារសិទ្ធិមនុស្ស។ អ្នកទាំងនេះរួមាន អង្គការមិនមែនរដ្ឋាភិបាល អង្គការតាមវិស័យ និងអង្គការតាមសហគមន៍ ព្រមទាំងអ្នកការពារសិទ្ធិមនុស្ស។ គេហទំព័រសិទ្ធិមនុស្សកម្ពុជា sithi.org របស់យើងគាំទ្របណ្តាញ ដោយផ្សារភ្ជាប់អ្នកចូលរួម និងបង្ហាញពីការងាររបស់ពួកគេ។ យើងផ្តល់ការបណ្តុះ បណ្តាលដល់អ្នកចូលរួមបណ្តាញ និងធ្វើការសហការលើការផ្តូវផ្តើមរួមគ្នាលើការតស៊ូមតិ និងផ្តល់នូវជំនួយខ្នាតតូចសម្រាប់អ្នកចូលរួមបណ្តាញក្នុងការអនុវត្តការផ្តូចផ្តើមរបស់ពួកគេ។ អ្នចូលរួមបណ្តាញរួមមានសហជីបការងារ អង្គការយុវជន ក្រុមជនជាតិដើមភាគតិច និងសមាគមន៍អាជីវកម្មជាដើម។ យើងបានធ្វើការបង្កើតបណ្ណាល័យសិទ្ធិមនុស្សដើម្បីផ្តល់នូវ បរិយាកាសសុវត្ថិភាព និងធនធានអ្នករាល់គ្នាដើម្បីសិក្សានិងពិភាក្សាពីបញ្ហាសិទ្ធិមនុស្ស។អ្នកការពារសិទ្ធិមនុស្សតាមរយៈគម្រោងអ្នកការពារសិទ្ធិមនុស្ស យើងផ្តល់អំណាច ការពារ និងលើកម្ពស់បុគ្គលទាំងឡាយណាដែលបាននិយាយពីសិទ្ធិរបស់អ្នកដទៃ។ យើងផ្តល់ការបណ្តុះបណ្តាលដល់ពួកគេលើសិទ្ធិមនុស្ស និងជំនាញតស៊ូមតិ សម្របសម្រួលការផ្តល់នូវសេវាកម្មផ្នែកច្បាប់ និងមនុស្សធម៌ នៅពេលដែលគេរងការគំរាមកំហែង និងធ្វើការតស៊ូមតិដើម្បីសិទ្ធិរបស់ពួកគេ។អាជីវកម្មតាមរយៈគម្រោងអាជីវកម្ម និងសិទ្ធិមនុស្ស យើងធ្វើការដើម្បីបង្កើនការយល់ដឹងពីឥទ្ធិពល និងការទទួលខុសត្រូវរបស់អាជីវកម្មលើបញ្ហាសិទ្ធិមនុស្ស ។ យើងលើកទឹកចិត្តពួកគេឲ្យគោរពសិទ្ធិមនុស្សនៅក្នុងប្រតិបត្តិការរបស់ពួកគេ និងធ្វើការតស៊ូមតិឲ្យមាននីតិរដ្ឋ ដើម្បីធានាឲ្យមានបរិយាកាសអាជីវកម្មដែលកាន់តែត្រឹមត្រូវ មានស្ថេរភាព និងមិនសូវមានគ្រោះថ្នាក់។គោលនយោបាយតាមរយៈកម្មវិធីគោលនយោបាយ និងការតស៊ូមតិ យើងរៀបចំការស្រាវជ្រាវ និងការវិភាគ មួយផ្នែកដោយពឹងផ្អែកលើព័ត៌មានដែលទទួលបានតាមរយៈការងារផ្តល់អំណាច ដើម្បីបង្កើតគំនិត និងអនុសាសន៍ថ្មីៗ ដែលច្បាស់លាស់ និងមានលក្ខណៈស្ថាបនាសម្រាប់ការផ្លាស់ប្តូរស្ថាប័នច្បាប់ និងគោលនយោបាយដែលតម្រូវឲ្យមានដើម្បីកែលម្អស្ថានភាពសិទ្ធិមនុស្ស។ យើងប្រើប្រាស់បច្ចេកវិទ្យាទំនាក់ទំនងប្រពៃណី និងថ្មីដើម្បីផ្ទេរគំនិតទាំងនេះទៅដល់ប្រជាពលរដ្ឋកម្ពុជា និងជនបរទេស ចូលរួមក្នុងកិច្ចពិភាក្សាជាមួយអ្នកពាក់ព័ន្ធទាំអស់រួមទាំង រដ្ឋាភិបាល ធ្វើការសាកល្បងជាមួយយន្តការសិទ្ធិមនុស្សក្នុងស្រុក និងអន្តរជាតិ និងការធ្វើការបញ្ចុះបញ្ចូលនៅក្នុងស្រុក និងបរទេស។ ការងារគោលនយោបាយរបស់យើងត្រូវបានអនុវត្តតាមវិស័យធំៗចំនួន៣ ដែលបានឆ្លុះបញ្ជាំងពីការផ្តោតលើសិទ្ធិពលរដ្ឋ និងសិទ្ធិនយោបាយ។សិទ្ធិជាមូលដ្ឋានយើងផ្តល់នូវអនុសាសន៍ជាគោលនយោបាយ ដើម្បីលើកម្ពស់ និងការពារសេរីភាពនៃការបញ្ចញមតិ ការជួបជុំ ការបង្កើតសមាគម ការធ្វើដំណើរ សាសនា ជំនឿ។ យើងសម្របសម្រួលយុទ្ធនាការដើម្បី សេរីភាពនៃការបញ្ចេញមតិ។ យើងចូលរួមក្នុងកិច្ចពិភាក្សាជាមួយរដ្ឋាភិបាលនៅក្នុងគណកម្មការធិការអន្តរជាតិសិទ្ធិមនុស្សអាស៊ាន និងវិទ្យាស្ថានសិទ្ធិមនុស្សជាតិ។ តាមរយៈគម្រោងប្រឆាំងការជួញដូរមនុស្ស យើងធ្វើការជាមួយអ្នកដទៃទៀតដើម្បីបង្កើតគំនិតថ្មីៗ ក្នុងការលុបបំបាត់បញ្ហាដែលកាន់តែធ្ងន់ធ្ងរនេះ។នីតិរដ្ឋមានតែការទទួលខុសត្រូវចំពោះច្បាប់ ភាពត្រឹមត្រូវ និងតម្លាភាពនៅក្នុងការអនុវត្តច្បាប់ដោយប្រព័ន្ធយុត្តធម៌ឯករាជ្យ និងការចែកដាច់នៃអំណាចទេនឹងធានាបាននូវការការពាររយៈយូរសម្រាប់សិទ្ធិប្រជាពលរដ្ឋកម្ពុជា។ តាមរយៈគម្រោងឃ្លាំមើលដំណើរការក្តី យើងបានត្រួតពិនិត្យការកាត់ក្តី និងវាយតម្លៃពីភាពត្រឹមត្រូវ ដោយផ្អែកលើបទដ្ឋានអន្តរជាតិ ហើយប្រើប្រាស់ការរកឃើញរបស់យើងជាមូលដ្ឋានសំរាប់ការពិភាក្សាជាមួយអ្នកពាក់ព័ន្ធនៅក្នុងវិស័យយុត្តិធម៌ និងអ្នកពាក់ព័ន្ធផ្សេងទៀត ដើម្បីជម្រុញឲ្យមានការកាត់ក្តីដោយត្រឹមត្រូវ។ តាមរយៈគម្រោងមរតកនៃសាលាក្តីខ្មែរក្រហម យើងវាតម្លៃ និងធ្វើការតស៊ូមតិឲ្យមានយន្តការ និងសកម្មភាពដើម្បីឲ្យបន្សល់នូវមរតកនៃកំណែទម្រង់យុត្តិធម៌នៅក្នុងសាលាក្តីខ្មែរក្រហម និងពង្រឹងនីតិរដ្ឋនៅកម្ពុជា។ប្រជាធិបតេយ្យតាមបែបចូលរួមយើងធ្វើការតស៊ូមតិឲ្យមានដំណើរការប្រជាធិបតេយ្យប្រកបទៅដោយការទទួលខុសត្រូវខ្ពស់ មានតម្លាភាព និងមានការដាក់បញ្ចូលក្នុងសង្គម ដើម្បីលើកទឹកចិត្តឲ្យសម្លេងរបស់អ្នកងាយរងគ្រោះបំផុតនៅក្នុងសង្គមត្រូវបានលឺនៅក្នុងការធ្វើសេចក្តីសម្រេចចិត្ត។ យើងបានរៀបចំការស្រាវជ្រាវ និងការតស៊ូមតិស្ថានភាពរបស់ខ្មែរក្រហម និងជនជាតិវៀតណាម។យើងក៏បានអនុវត្តន៍គម្រោងសិទ្ធិអ្នកស្រលាញ់ភេទដូចគ្នា ដើម្បីលើកម្ពស់ និងការពារសិទ្ធិអ្នកស្រលាញ់ភេទដូចគ្នាកម្ពុជា។ |
|
|
|
|
|
|
|
ចុះឈ្មោះទទួលព័ត៌មានថ្មីៗ ពីម.ស.ម.ក
