ការពិពណ៌នាលម្អិត

មជ្ឈ​មណ្ឌល​សិទ្ធិ​មនុស្ស​កម្ពុជា (“ម.ស.ម.ក”) ​ដែលជា​អង្គកា​រ​មិន​មែន​រដ្ឋា​ភិ​​បាល ​ឯករាជ្យ ​និង​មិន​ចូល​​បក្ស​សម្ព័ន្ធ ​ធ្វើការ​ដើម្បីលើកកម្ពស់​លទ្ធិប្រជា​ធិបតេយ្យនិង​ការពារ​សិទ្ធិមនុស្ស​នៅ​កម្ពុជា ជាពិសេសសិទ្ធិពលរដ្ឋនិងនយោបាយនៅកម្ពុជា​ សូម​​ជូនដំណឹងដល់ស្ថាប័ន ឬបុគ្គលដែលមានជំនាញ ឬវិជ្ជាជីវៈទាក់ទងនឹងចិត្ត សាស្ដ្រឱ្យបានជ្រាបថា ម.ស.ម.ក នឹងដាក់ឱ្យដេញថ្លៃជាសាធារណៈ ដើម្បីធ្វើការផ្ដល់សេវាប្រឹក្សាផ្លូវចិត្ត និង/ឬវគ្គបណ្ដុះបណ្ដាលសុខុមាលភាពផ្លូវចិត្ត ដោយបំពេញលក្ខខណ្ឌតម្រូវដូចខាងក្រោម៖ 

ការដាក់ពាក្យ

• ស្ថាប័ន ឬបុគ្គល​ដែលមានសម្ព័ន្ធភាពជាមួយគ្នា ឬមានប្រភពតែមួយ អាចដាក់សំណើដេញថ្លែបានតែមួយគត់។
• កិច្ចលទ្ធកម្មនេះ នឹងត្រូវធ្វើឡើងតាមរយៈវិធីសាស្រ្តដេញថ្លៃក្នុងស្រុក​ ស្ថិតក្រោមគោលការណ៍លទ្ធកម្មរបស់ ម.ស.ម.ក។​

ប្រសិនបើស្ថាប័ន ឬបុគ្គលណាមានចំណាប់អារម្មណ៌ សូមផ្ញើពាក្យ​សុំដេញថ្លៃ និង​គម្រោងសំណើលម្អិត (Proposal) ដោយ​ឱ្យបាន​មុនម៉ោង ៥:៣០នាទីល្ងាច នៅថ្ងៃទី១៣ ខែកុម្ភៈ ឆ្នាំ២០២៥។

• ពាក្យសុំដេញថ្លៃអាច​រក​បាន​តាមរយៈតំណភ្ជាប់នេះ។
• គម្រោងសំណើលម្អិត (Proposal) ត្រូវបញ្ជាក់៖

o   ព័ត៌មានអំពីរយៈពេលដែលអ្នកអាចផ្ដល់ និងគម្រោងថវិកាសម្រាប់សេវានីមួយៗក្នុងរយៈពេលជាក់លាក់។

o   ប្រវត្តិរូប ឬសាវតា​របស់​អ្នក ឬស្ថាប័នរបស់អ្នក។

o   គម្រោង​ថវិកា ត្រូវ​ចាត់ចែងឱ្យបានច្បាស់ទៅលើតម្លៃសុទ្ធ (Net Amount) និងតម្លៃមានរួមបញ្ចូលពន្ធបន្ថែម (VAT)។

o   បើស្ថាប័នរបស់លោកអ្នកបានចុះបញ្ជីជាមួយនាយកដ្ឋានពន្ធដារ សូមបញ្ជាក់លេខអត្តសញ្ញាណកម្មសារពើពន្ធ (TIN) នៅក្នុងសម្រង់តម្លៃ។​

o   សូមបញ្ជាក់រយៈពេលសុពលភាពនៃសម្រង់តម្លៃឲ្យបាន​ច្បាស់លាស់ (យ៉ាងតិច​រយៈពេល​ ៣០ថ្ងៃ បន្ទាប់ពីថ្ងៃចេញសម្រង់តម្លៃ)។

o   សូមបញ្ជាក់ពីការធានា ឬសេវាធានា​។

• សូម​ដាក់ពាក្យ​សុំដេញថ្លៃ និង​គម្រោងសំណើលម្អិត (Proposal) មក​តាមរយៈអ៊ីម៉ែល៖ [email protected] ឬផ្ញើមកកាន់​ការិយាល័យ​របស់ ម.ស.ម.ក ដែលមានអាសយដ្ឋាន​ផ្ទះលេខ​៧៩៨ ផ្លូវ៩៩ សង្កាត់បឹងត្របែក ខណ្ឌចំការមន​​ រាជធានីភ្នំពេញ ទូរស័ព្ទលេខ ០២៣ ៧២៦ ៩០១។​

• ម.ស.ម.ក នឹងជូនដំណឹងអំពីលទ្ធផលនៃការដេញថ្លៃនេះតាមរយៈអ៊ីម៉ែល ឬប្រព័ន្ធទូរស័ព្ទវិញ។