សេចក្តីប្រកាស​ព័ត៌មាន​របស់ ម​.​ស​.​ម​.​ក បច្ចុប្បន្នភាព​៖ យុវជន​ទី​ពីរ​ត្រូវបាន​ចោទប្រកាន់​និង​បញ្ជូនទៅ​ឃុំខ្លួន​បណ្តោះអាសន្ន

កាលបរិច្ឆេទបង្កើត	: 12 / Jul / 2019
លក្ខណៈនៃការគំរាម	: រំលោភ​លើ​សេរីភាព​មូលដ្ឋាន
សិទ្ធិដែលពាក់ព័ន្ធ	: សេរីភាព​ខាង​ការបញ្ចេញមតិ និង​សេរីភាព​ខាង​ការជួបប្រជុំ​ដោយ​សន្តិវិធី

ការពិពណ៌នាលម្អិត

---

នៅ​ព្រឹក​ថ្ងៃទី ១២ ខែកក្កដា ឆ្នាំ​២០១៩ លោក សួង នាគព័ន្ធ ត្រូវបាន​ចៅក្រម​ស៊ើបអង្កេត​នៅ​សាលាដំបូង​រាជធានី​ភ្នំពេញ​បន្ត​ការសាកសួរ​។ មួយ​ម៉ោង​បន្ទាប់ពី​ការសាកសួរ​នោះ គាត់​ត្រូវបាន​ចោទប្រកាន់​ជា​ផ្លូវការ​ពី “​បទ​ញុះញង់​ឱ្យ​ប្រព្រឹត្ត​បទឧក្រិដ្ឋ​” ក្រោម​មាត្រា​៤៩៤ និង​មាត្រា​៤៩៥ នៃ​ក្រមព្រហ្មទណ្ឌ ហើយ​ត្រូវបាន​បញ្ជូនទៅ​ឃុំខ្លួន​បណ្តោះអាសន្ន​។​​សូម​មើល​ព័ត៌មាន​លំអិត​នៃ​ការ​រឹតត្បិត​លើ​សេរីភាព​មូលដ្ឋាន​ដែល​បាន​កើតឡើង​ក្នុងអំឡុងពេល​រំលឹក​ខួប​៣​ឆ្នាំ​នៃ​ឃាតកម្ម​លើ​លោក​បណ្ឌិត​កែម ឡី តាមរយៈ​សេចក្តីប្រកាស​ព័ត៌មាន​របស់​ម​.​ស​.​ម​.​ក ដែល​បានចេញ​ផ្សាយ​កាលពី​ថ្ងៃទី​១១ ខែកក្កដា ឆ្នាំ​២០១៩ ស្តីពី «​ការ​រឹតត្បិត​ទៅលើ​សិទ្ធិសេរីភាព​ខាង​ការបញ្ចេញមតិ​និង​សេរីភាព​ខាង​ការជួបប្រជុំ​ដោយ​សន្តិវិធី​រួមទាំង​ការចាប់ខ្លួន​សកម្មជន​យុវជន​ក្នុង​ទិវា​ប្រារព្ធ​ខួប​៣​ឆ្នាំ​នៃ​ឃាតកម្ម​លើ​លោក​បណ្ឌិត កែម ឡី​» ដូច​មាន​ក្នុង​តំណ​៖ http://bit.ly/2S5GGSw.