កំណត់ត្រាសង្ខេបស្តីពីធុរកិច្ច និងសិទ្ធិមនុស្ស គណនេយ្យភាពសាជីវកម្មចំពោះការរំលោភបំពានលើសិទ្ធិដីធ្លី
- 24/12/2020
- ការផ្សាយ > កំណត់ត្រាសង្ខេប
ថ្ងៃនេះ ទី២៥ ខែធ្នូ ឆ្នាំ២០២០ ម.ស.ម.ក ចេញផ្សាយកំណត់ត្រាសង្ខេបស្តីពីធុរកិច្ច និងសិទ្ធិមនុស្សដែលមានចំណងជើង “គណនេយ្យភាពសាជីវកម្មចំពោះការរំលោភបំពានលើសិទ្ធិដីធ្លី”។ កំណត់ត្រាសង្ខេបនេះពិនិត្យលើបញ្ហាប្រឈមនានាក្នុងការធ្វើឱ្យសាជីវកម្មទទួលខុសត្រូវចំពោះការរំលោភសិទ្ធិមនុស្សទាក់ទងនឹងដីធ្លីនៅក្នុងព្រះរាជាណាចក្រកម្ពុជា។ កំណត់ត្រាសេង្ខេបនេះធ្វើការវិភាគទៅលើទំនាស់ដីធ្លីចំនួនបួនករណី ដែលប៉ះពាល់ដល់ប្រជាពលរដ្ឋជាង ១៨០០ គ្រួសារ និងពិនិត្យមើលយន្តការផ្សេងៗដែលមានសម្រាប់អ្នកដែលប្រឈមនឹងការរំលោភសិទ្ធិដីធ្លី និងវិធីសាស្ត្រដែលសហគមន៍ប្រើប្រាស់ដើម្បីទទួលបានដំណោះស្រាយ។ កំណត់ត្រាសង្ខេបនេះក៏កំណត់នូវការព្រួយបារម្ភចំនួន ៩ ចំណុច ដែលរារាំងដល់ការសម្រេចបាននូវគណនេយ្យភាពរបស់សាជីវកម្ម និងលើកឡើងជាអនុសាសន៍មួយចំនួនដើម្បីការពារ និងដោះស្រាយការរំលោភសិទ្ធិមនុស្សដែលបណ្តាលមកពីក្រុមហ៊ុននានា ដែលកំពុងប្រតិបត្តិការនៅកម្ពុជា។
