ការការពារ​សេរីភាព​មូលដ្ឋាន ៖ ការពិនិត្យ​មើល​ទៅលើ​ច្បាប់​ជាតិ និង​ការអនុវត្ត​ស្របតាម​ច្បាប់​អន្តរជាតិ

  • 29/01/2020
  • របាយការណ៍ > របាយការណ៍ផ្សេងៗ
“​ការពិនិត្យ​មើល​ទៅលើ​ច្បាប់​ជាតិ និង​ការអនុវត្ត​ស្របតាម​ច្បាប់​អន្តរជាតិ​” ជាការ​បោះ​ពុ​ម្ភ​ផ្សាយ​របស់​មជ្ឈមណ្ឌល​សិទ្ធិមនុស្ស​កម្ពុជា (“​ម​.​ស​.​ម​.​ក​”)​។ ម​.​ស​.​ម​.​ក ជា​អង្គការ​មិនមែន​រដ្ឋាភិបាល ឯករាជ្យ មិន​ចូលបក្ស​សម្ពន្ធ​ដែល​ធ្វើការ​លើកកម្ពស់ និង​ការពារ​លទ្ធិប្រជាធិបតេយ្យ​និង​ការគោរព​សិទ្ធមនុស្ស​ជាពិសេស​សិទ្ធិ​ពលរដ្ឋ និង​សិទ្ធិ​នយោបាយ​នៅក្នុង​ព្រះរាជាណាចក្រ​កម្ពុជា (“​កម្ពុជា​”)​។ ចក្ខុវិស័យ​របស់ ម​.​ស​.​ម​.​ក គឺ​កម្ពុជា​គ្មាន​អំពើហិង្សា​ដែល​ប្រជាពលរដ្ឋ​ទទួលបាន​សិទ្ធិ​ជា​មូលដ្ឋាន មាន​សិទ្ធិ​ស្មើគ្នា និង​ត្រូវ​បានផ្តល់​អំណាច​ដើម្បី​ចូលរួម​ក្នុង​លទ្ធិប្រជាធិបតេយ្យ និង​ទទួលបាន​ការចែករំលែក​ផលប្រយោជន៍​ពី​ការអភិវឌ្ឍ​ប្រទេស​កម្ពុជា​។ ម​.​ស​.​ម​.​ក មាន​គោលបំណង​ចង់បាន​នីតិរដ្ឋ​ជាជាង​និ​ទណ្ឌ​ភាព ស្ថាប័ន​រឹងមាំ​ជាជាង​បុគ្គល​ខ្លាំង និង​សង្គម​សេរី​ពហុបក្ស​ដែលមាន​ភាព​ចម្រុះ​ត្រូវបាន​គេ​ស្វែងរក និង​អបអរសាទរ​ជាជាង​ការមិន​អើពើ និង​ការដាក់ទោស​។ ស្លាក​សញ្ញា​របស់ ម​.​ស​.​ម​.​ក មាន​រូប​សត្វ​ស្លាប​ពណ៌​ស​កំពុង​ហើរ​បែក​ចេញពី​រង្វង់​មូល​ពណ៌​ផ្ទៃមេឃ​ដែល​មានន័យថា​គឺជា​ការទាមទារ​សេរីភាព​នៅ​កម្ពុជា​។