ការវិភាគរួមគ្នាលើសេចក្តីព្រាងច្បាប់ស្តីពីប្រាក់ឈ្នួលអប្បបរមា
- 21/03/2017
- ការផ្សាយ > វិភាគផ្នែកច្បាប់
ការស្នើឱ្យបង្កើតប្រាក់ឈ្នួលអប្បបរមាសម្រាប់កម្មករនិយោជិតនៅក្រៅវិស័យកាត់ដេរក្នុងព្រះរាជាណាចក្រកម្ពុជា (“កម្ពុជា”) គឺជាការវិវឌ្ឍមួយគួរឱ្យស្វាគមន៍។ ប៉ុន្តែ បទប្បញ្ញត្តិមួយចំនួនក្នុងសេចក្តីព្រាងច្បាប់ស្តីពីប្រាក់ឈ្នួលអប្បបរមា (“សេចក្តីព្រាងច្បាប់”) ដែលបានចេញផ្សាយដោយក្រសួងការងារ និងបណ្តុះបណ្តាលវិជ្ជាជីវៈខកខានមិនបានគោរពតាមកាតព្វកិច្ចសិទ្ធិមនុស្សរបស់កម្ពុជា ដែលមានចែងក្នុងរដ្ឋធម្មនុញ្ញនៃព្រះរាជាណាចក្រកម្ពុជា (“រដ្ឋធម្មនុញ្ញ”) និងច្បាប់សិទ្ធិមនុស្សអន្តរជាតិ ដែលមានប្រសិទ្ធភាពអនុវត្ត។ ក្តីបារម្ភចម្បងក្នុងចំណោមបញ្ហាទាំងនេះ គឺការប្រើប្រាស់សក្តានុពលនៃសេចក្តីព្រាងច្បាប់នេះក្នុងការរឹតត្បិតជាខ្លាំងទៅលើសេរីភាពជាមូលដ្ឋានខាងការជួបប្រជុំ សមាគម និងការបញ្ចេញមតិ។
