ទិវាអន្តរជាតិនារី ត្រូវបានប្រារព្ធឡើងជារៀងរាល់ឆ្នាំ នៅថ្ងៃទី០៨ ខែមីនា នៅទូទាំងពិភពលោក ដែលជាការអបអរសាទរចំពោះសមិទ្ធផលនៃការចូលរួមចំណែករបស់ស្ត្រីនៅក្នុងសកម្មភាពសង្គម សេដ្ឋកិច្ច វប្បធម៌ និងនយោបាយ។ មូលបទសម្រាប់ទិវាអន្តរជាតិនារីនៅឆ្នាំ២០២៦ នេះគឺ «សិទ្ធិ យុត្តិធម៌ សកម្មភាពដើម្បីស្រ្តី និងក្មេងស្រី»។ មូលបទឆ្នាំនេះគឺការតស៊ូមតិដើម្បីឱ្យមានសិទ្ធិស្មើគ្នា ការការពារ និងសុវត្ថិភាពសម្រាប់ទាំងអស់គ្នា។